《ادعم.. هتدعم》

《ادعم.. هتدعم》

يكتبه د/سهير سيد محمد الخبير التعليمي و التربوي 

جربت تدعم اللي حواليك وتشجعهم علي النجاح ..

خليك دايماً متأكد إن نجاح اللي حواليك مش هيقلل من نجاحك ولا هياخد من رزقك بالعكس إنك تحاط بالناجحين دا في حد ذاته دافع لبناء نفسك وتطويرها ..

والأهم إنك هتلاقي اللي بيدعمك ويساعدك تنجح

من الآخر هي دايرة بتدور .. زي ما بتعمل هتلاقي في رحلة حياتك ..

وخليك متأكد إن كل واحد مننا ناجح أو شاطر أو متميز في حاجة .. وكلنا بنكمل بعض لأن الكمال لله وحده سبحانه وتعالى ..

خاللي دايماً حواليك دايرة تشجعك وتساعدك تنجح وتساعدهم ينجحوا .. وإتأكد إن نجاحهم هو كمان نجاح ليك .. لأنك قدرت تكون إنسان سوي .. والأهم إنك قدرت تختار صح دايرتك القريبة منك ..

إشتغل وإتعب وإنجح وعافر وحاول وإسعي .. والأهم إنك مش تشوف نجاحك في فشل من حولك .. ده مش نجاح .. ده قمة الفشل ..

وكل ماتخطي خطوة فكر في اللي بعدها وشد معاك وإنت بتخطي ناس تخطي وتنجح وتتعلم ..

وإتأكد إن ده زكاة العلم .. وعملك الصالح اللي بيفضل بعد ما تصبح ذكري. 

نجاح حد غيرك المفروض يعمل فيك حاجة من 3 :

- يفرحك

- يشجعك

- يلهمك

أي إحساس رابع يجيلك يبقى انت محتاج تراجع نفسك و تغسل روحك 

لان دا كفر بحكمة ربنا وعدله محدش بياخد رزق حد والله

فإذا كنت منشغل بهدم ونقد غيرك فلن تجد وقت لبناء نفسك. 

من المستحيل أن يذهب لغيرك شئ قد كتبه الله لك ف أطمئن لاتحسد ، والا تحقد وعش بقلب أبيض نقئ ونيه صافي