يكتبه د/سهير سيد الخبير التعليمي و التربوي
نص درجة امتحانك فى ثقتك فى نفسك ولو ذاكرت شوية كمان *هتجيب* النص التانى بإذن الله
هتقولى ازاى ؟
*لما بتثق فى نفسك* بيتم افراز هرمونات تساعد على التركيز والنشاط وده بيديك دافع انت تحل صح ومتملش بسرعة
*ولما بتكون محبط بتحس* بخمول وكسل وعدم اهتمام وزهق مستمر وده بيفقدك السيطرة
*اعمل* ايه لو ضايع فى مادة
الحل الكتير مفتاح النجاح بمعنى تحل اكتر قدر ممكن من الأفكار
*تحاول تجتهد* اكتر وصاحب حد من اصحابك يقدر يساعدك او مدرس دور على حل وبطل كسل لان معنى انك مش بدور على حل يبقى انت مستسلم
طيب هو انا ممكن اقدر اجمع المواد ده خلاص الامتحانات قربت
*تقدر تتفوق* كمان العبرة مش بالايام والساعات العبرة بالرغبة خلى عندك ثقة فى الله وربنا لما بيبارك بتبقى الفرج بمعنى الكلمة
اذاكر ازاى الفترة دى ؟
اتجنب اى مذاكرة بعد مجهود يعنى لو رجعت من الدرس وتعبان خد راحة بسيطة وابدء
ابعد عن وضع المكتب فى جهة السرير!!!!!!!
النوم هيلعب فى عينيك
ابعد عن الأكل الكتير لان كده بتسحب الدم للمعدة وبيقل تركيزك والنوم هيسحبك
النبى (ص) كان بيستعيذ من الكسل
*الاحباط* عدوك لو سلمت نفسك ليه هيوصلك لطريق للاسف مسدود
اعمل وانت بتذاكر مكافأة لنفسك لو خلصت واجب كذا هعمل مشروب لو ذاكرت كذا هنقعد على الفيس شوية
*ممكن واجبك او امتحاناتك* فى مادة رخمة او درجاتك مش حلوة بس ده عادى جدا لان امتحان اخر السنة بيقيس درجة تفكيرك وقدرتك على التجميع والحل لو نفترض انك *مش عارف تحل ٢٠ سوال لكل ٥٠ سوال* طيب الامتحان بقى اكيد كله مش هيجى نفس ال٢٠ سوال اللى وقفوا قدامك فى الواجب او الامتحانات فلو سمحت بطل كلمة مش عارف احل بكلمة انا هقدر احل بإذن الله
*دايما* قول بإذن الله هنجح
دايما كرر بإذن الله ربنا هيقف جنبى وهيساعدنى وهحقق حلمى وهوصل
تعليقات
إرسال تعليق