رسالة إلى « شيرين » زى ما من حقى أغير على بلدى مصر ف أى حاجة تمسها أو متعجبنيش فيها من حقى أتكلم على فنانة بلدى واللى المفروض انها قيمة فنية عظيمة لمصر ، والتى تصنف من أجمل 4 أصوات على مستوى الوطن العربى.
فى أزمتك أنتى وحسام حبيب متكلمتش لأن دى حياتك الشخصية وانتى حرة فيها أيا كان نوعها ايه
_ أنا هتكلم عن الفنانة شيرين عبد الوهاب
حقيقي مشوارك الفنى ف إنحدار تام وبجد صعبان عليا قيمة فنية زيك اللى طلعنا على أغانيها وصوتها كان زلزال وجبار ومُطرب ومنغم كدة كانت الدنيا تولع كدة لما نسمع ( جرح تاني _ انا لا جاية أقولك إرجع _ أنا ف الغرام انا دايبة صبابا _ كل ما انسالك كلامك _ بطمنك _ ماشربتش من نيلها .... وغيره وغيره )
تاريخ كبير أوووى تعبتى فيه خسارة يروح
_ لكن حاليا صوتك ما زال يعانى وفيه حزن شديد وبتحاولى تكابرى وتبينى عكس كدة تماما لكن مش أى حد ياخد باله إلا لما يكون حقيقي بيفهم أو دارس علم نفس حتى عيونك فيها كسرة
وبتحاول تهرب من عيون الناس والكاميرا مع إنك متعودة عليها
انا عارفة أنه اللى مريتى بيه مش قليل وصعب أووووى
بس خسارة قيمة فنية زيك توصل للمرحلة دى
_ وحقيقي فنياً مستواكى بيقل وبيضعف وغلطاتك بقت تبان
زمان دة لو كان فى غلطات عفويتك كانت بتغطى
_ إنتى كنتى ملكة المسرح بغناكى وتألقك وعفويتك والكاريزما
خسارة كبيرة إنه حياتك الشخصية تؤثر بشكل كبير على حياتك الفنية
_ عارفة لو مجرد قعدتى مع نفسك وعرفتى إنتى مين فعلاً هتفوقى وترجعى لنفسك ولينا
_ شيرين بجد إنتى لازم تفوقى
_ شيرين بجد إنتى لازم تعرفى قدر نفسك
_ شيرين لاااااازم تتعافى
_ شيرين لمعة عيونك وصوتك القوى لازم يرجع
_ شيرين مستنيينك
عن الفنانة شيرين عبد الوهاب أتحدث
« إنقذوا شيرين »
تعليقات
إرسال تعليق