كتبت الخبير التعليمي والتربوي د/سهير سيد محمد
- التغيرات الهرمونية إللي بتحصل في مرحلة البلوغ لها دور كبير في التغيرات الجسدية والعاطفية للمراهقين وممكن يكون هو مش فاهمها ولا متقبلها .
-الشعور بأن لا أحد قادر على تفهم ما يمر به.
-الشعور بعدم احترام الآخرين له.
-الآمال والتوقعات الكثيرة.
-عدم قدرة الآباء والأمهات على التعامل معهم بل ولومهم علي نوبات غضبهم والسخريه من مشاعرهم المُفرطه
طيب هتعملي ايه
حاولي تحددي العوامل إللي تسببت في حدوث نوبات الغضب، ( لو ماعرفتي استعيني بأخصائي)
فبمجرد أن يتمكن المراهق من فهمه وإدراكه لطبيعه العوامل والتغيرات البيمر بيها هيتمكن من كيفية التعامل مع المواقف بشكل أكثر فعالية وهدوء
عليكي يا مامي تتعاوني انتي وبابا وتتعلموا كيفيه إداره الحوار مع ابنك المراهق وازاي تتفاعلو معه ومتحطوش الحوار في قالب اوامر وتعليمات ومواعظ وحكم اسطوريه تراثيه
لازم يامامي تدربي علي الخطواط اليجب تتبعيها في حالة ظهور نوبات الغضب والعنف ( ده بتدربي عليه مع اخصائي بيحدد طبيعه ودرجه نوبات الغضب وبيحط خطه وفقا لطبيعه شخصيه وتحديات واضطرابات المُراهق )
لإن مش كل مراهق مثل الاخر وكل حاله لها تدخلات مختلفه
مش قاعده عامه تُطبق علي الكل
طبيعه الشخصيه والتحديات والاضطرابات ودرجه الذكاء بتحدد نوع التدخل مع المراهق ADHD.
لازم تدربي نفسك علي ضبط انفعالاتك اولا
لانك قدوته انتي وبابا ولو بتغنوله كل يوم اضبط انفعالاتك ومشاعرك مش هيسمعلك طول ما هو شايف قدوته مش مسيطره علي نوبات الغضب وبتعنفه
فعليكي أن تكوني قويه وحازمه دون أن تقومي بتهديد ابنك المراهق.
تأكدي من أن لغة جسدك تعكس رغبتك في انك متقبلاه وعيزه تسمعيه
تجنب (الزغر) يعني تجني التحديق في العين واعطيه مساحة شخصية للتعبير.
لو حسيتي إن النقاش بينك وبينه خرج عن نطاق السيطرة، قوليله أنا هديك مساحه واسيبك بعض الوقت وهرجعلك مره تانيه نكمل
بعد نص ساعه او ساعه
ومترجعيلوش الا وهو هادي ومُستعد.
وفي طريقه ثانيه
ممكن توقفي النقاش وتقعدي في صمت لثواني وتعملي تمرين النفس وتطلبي منه يعمل معاكي
هتساعده تمارين التنفس على التخلص من التوتر وإستعاده هدوءه
حطي قاعده قدام عينك في التعامل مع ابنك المراهق
( ابني معندوش مهارات التعامل مع غضبه لذلك هو خايف ونوبات غضبه بيداري بيها خوفه وقلقه لا شعوريا)
وهنا لازم احتوي معصبش زييه ولا استسلم لنوبات غضبه
لاني كده بشجعه
علي تكرار السلوك الغير مقبول
تعليقات
إرسال تعليق