وانت بتودّع 2022
بقلم د/سهير سيد
1- ودّع معاها الخذلان والبكاء على ناس ما تستاهلش
2- ودّع الناس اللى دخلت حياتك سرقت منّك راحة البال و راحة القلب ..
3- ودّع الكآ.بات والأفكار السلبية .. والناس اللى تعمّدت نزع البهجة من جوّاك..
4- ودّع أصحاب المصالح و أصحاب وقت الفراغ ، و أصحاب الكلام بدون أفعال
5- امسح بأستيكة أي حد وأي شئ يقلل ّمنك أو يستهلك طاقتك النفسية ....
المفروض اللي تنفّذه في 2023 :-
1 - الناس اللى طلعت بيهم السنة دي " الجدعان معاك بزيادة ؛ الطيبين بزيادة ؛ أصدقاء الأيام ، اللى معاك في الشدّة قبل الرخاء شيلهم جوّا قلبك قبل عينيك ..
2- استرد نفسك و حِبّها و قرّب منها وافهم تفاصيلك و احترم نضوجك وطفولتك وجنانك و وِحدتك أحياناً ...و حُزنك كمان ما تستخفش بيه ...احترمه لأنك بتخرج بعد موجة الأحزان إنسان جديد مش سهل الكسر ....
3- اتعهّد السنة اللى جاية دي إنك تفرح على قد ما تقدر ؛ تعمل اللى يسعدك ...ويسعد غيرك
4- ابعد عن أي مضخّات التعاسة ؛ ابعد عن السودا.وييين أصحاب الشكوى بدون سبب اللى ما بيشكروش ربنا على أي شئ ....الناس دي قادرة تهل.ك روحك و تقضي على أي طاقة إيجابية جوّاك ...
5- استقبل السنة الجديدة بِـ كَم كبير من الصبر ؛ و مخزون كبير من الحُب والإقبال على الحياة حتى لو الحياة نفسها رفضت حماسك أو استهانت بيه ....خليك معاند للوجع حتى لو بات قدام بابك بالشهور مش بالأيام ...
كل لحظة وانت أفضل من أي وقت عدّى عليك ..
كل لحظة وانت غالي وكبير في عين نفسك ..
كل لحظة وانت قادر تهز.م الأ.لم بجميع أشكاله ...
كل لحظة وانت راضي عن نفسك تمام الرضا ❤
تعليقات
إرسال تعليق